वेळ कमी आहे

वेळ कमी आहे
अनादिकाळापासून
अनंतकाळापर्यंत

वेळ कमी आहे
लवकरात लवकर ताण दिला पाहिजे
लवकरात लवकर सुचले पाहिजे
लवकरात लवकर लिहीले पाहिजे
लवकरात लवकर बोलले पाहिजे
लवकरात लवकर

लवकरात लवकर शोधतो
लवकरात लवकर उत्तरतो
लवकरात लवकर लाईक करतो
लवकरात लवकर मत व्यक्त करतो
लवकरात लवकर तटस्थ होतो
लवकरात लवकर बाजू घेतो
लवकरात लवकर न्याय करतो
लवकरात लवकर पाहतो
लवकरात लवकर वाचतो
लवकरात लवकर वाचल्याचं ओरडून सांगतो
लवकरात लवकर

लवकराचा स्पीड अजून वाढवला पाहिजे
लवकराला लवकराने गुणलं पाहिजे
लवकरापेक्षाही लवकर पापणी मिचकावली पाहिजे

लवकरापेक्षाही कमी वेळ शिल्लक आहे आपल्यापाशी
आणि प्रतिमाघडण क्लिकेच्या आवाक्यात