स्वार्थ हा शब्द मी
मेंदूतून बाहेर काढला
आणि त्याला काडी लावली.
आता त्याचा धूर
पसरत चाल्लाय सर्वदूर
माफ करा
स्वार्थ या शब्दाला इतकं लाईटली
घेऊ नका
स्वार्थाचं पेटलं जंगल किंवा पेटवलं
तरी त्यातून निघणाराय
स्वार्थाचाच धूर नि
कोळसा स्वार्थाचा साचून राहणाराय पायाखाली
माफ करा
स्वार्थ या शब्दाला
इतकं लाईटली घेऊ नका
जंगलालाही असतो स्वार्थ
शोषत असतात स्वार्थाचाच कार्बन
तेव्हा जाऊन कुठे मिळतो तुम्हाला तुमच्या
स्वार्थाइतका अॉक्सीजन
माफ करा स्वार्थ या शब्दाला इतकं लाईटली
घेऊ नका
स्वार्थी जंगल पसरत चाल्लं होतं हातपाय
आणि पोटात गडगंज कायकाय
स्वार्थाचा गडद हिरवेपणा मग
डोळ्यांतल्या स्वार्थी बुबूळांना टोचणार नाही काय
माफ करा स्वार्थ या शब्दाला इतकं लाईटली घेऊ नका
स्वार्थाची लागली आग
स्वार्थाचा काळजाला घोर
स्वार्थाचा कानाडोळा
स्वार्थाचा डोळा काना
कुठे पाहतो कुठे निशाना
देवाला माहीत